Tuesday, November 18, 2008

الحكم في قضية وقف تصدير الغاز لإسرائيل و يحيا العدل

للأسف أنا مش في البيت الآن ولا في القاهرة ولا عندي جهاز كومبيوتر وبكتب من على الموبايل سريعًا
ولكني سعيدة للغاية

أستيقظت النهاردة على رسالة من الجايكو بتقول على الحكم القضائي بوقف تصدير الغاز لأسرائيل ودخلت أشوف النت لاقيت الخبر بجد

من شهر يونيو وأنا كنت مهتمه بالقضية دي جدًا وبالخطوة المحترمة ألي أخذها سيادة السفير إبراهيم يسري ونشرتها في المدونة هنا ولكن بصراحة كنت محبطة ومكنش عندي أمل إن هيتحكم في القضية بحكم زي ده.


كنت شايفة إن القضية موقف مشرف إنها تترفع وإن الكل يعرف الموقف الرافض لتصدير الغاز ، ولكن حُكم؟!! أنا مبقتش متفائله بصراحة بأي حاجة.

ولكن النهاردة مش قادرة أوصف مدى سعادتي بالحكم ده

مره أخرى تحية للقضاء العادل

وتحية للسفير إبراهيم يسري

وألف مبروك للجميع على الحكم

و يا رتني كنت في القاهرة وعارفة أتواصل مع الجميع

حيثيات الحكم

هنا

14 comments:

شمس النهار said...

ترجعي بالسلامه
ياله خليهم يعرفوا ان الشعب والقضاء رافضهم

tarek momen said...

ان شاء الله ترجعي بالسلامة
هذا الحكم يثبت انه مازال هناك امل و ان الفساد لم يتغلغل بالكامل بل مازال هناك نقط مضيئة وسط الظلام

Anonymous said...

تسقط العدالة الكسيحة يا دعاء
الحكم اتنقض كالعادة
http://www.masrawy.com/News/Egypt/Politics/2008/november/18/egyisrgas.aspx

محمد فاروق الشاذلى said...

الحمد لله
بس يارب الحكومة ما تلفش حوالين الحكم (كالعادة) ويبقى فى الآخر بلا قيمة

ahmed samir said...

مش حنفرح بجد غير بعد الإستئناف
أنا عندى أرتكاريا من ألالاعيب الحكومة دى

... amr said...

المهم ان الحكم دة يتنفذ باذن الله

ان شاء الله خير

Waan said...

اتمنى إن الحكم يتنفذ

دعاء said...

شمس

ربنا يخليكِ يا شموسه
هما بتأكيد عرفين أن الشعب والقضاء رافضهم بس بعد التداعيات دي معتقدش إن على أرض الواقع في شيء هيتغير للأسف

دعاء said...

أ. طارق

ألف شكر، وبالفعل أنا رغم كل شيء مازلت مبسوطة من الحكم على الأقل بيعيد ثقتنا في القضاء بعد كذا صدمة خدنها من هيدلينا للعبارة

دعاء said...

محمد

عرفت الخبر واتنكدت..

بس على الأقل بالفعل في ثقه كويسه أتجاه القضاء

مهو لازم يكون في أي لمحة أمل يا محمد يا أما هنكتئب ونموت

بس للأسف معتقدش مع النقض إن في أي أمل

دعاء said...

قلب مصري

بالفعل الحكومة لفت حوالين الحكم بس ربنا يستر في الشق التاني و ميبقاش بلا قيمة

دعاء said...

أحمد

يا خوفي يا أحمد يا خوفي من الاعيب الحكومة

دعاء said...

عمرو

أشك حتى لو اخذنا النقض إن الحكم هيتنفذ في النهاية

كم من احكام قضائية منفذتهاش الحكومة

الفكرة والسعادة كانت في الحكم نفسه

دعاء said...

ون

يا رب يتنفذ