طيب الناس دي غضبانة بجد ..غضبانة بحق وحقيقي .. مبيتحركوش ليه؟؟
وإذا كانوا مش هيتحركوا في مصيبة زي دي هيتحركوا أمتى؟؟
ويا ترى محدش هيبقى عنده دم ويحاسب المسئولين عن ألي بيجرى ده؟؟
والحكومة هتمتص غضب الناس دي أزاي بقى المرة دي يا ترى؟؟
أسئلة كتيييير بتدور في نافوخي ومش لقيلها إجابة
شوفوا الفيديو في مصراوي
Posts
10 comments:
كالعادة الشعب مش هايعمل حاجة والحكومة هاتخرج بتصريحات تقول إنهم هايعوضوا كل متضرر بشقة جديدة فى مساكن مش عارف إيه ويدوخوا كام سنة علشان يخدوها ده إذا خدوها وتعويضات للمتوفى وللمصاب فى الآخر أهلهم يلاقوا نفسهم خدوا منها الفتات وبعد طلوع الروح.
آدى كل القصة ببساطة
شوفي في مصيبه زي دي لازم الكل يتحاسب
وماتخدناش العواطف
الناس اللي راحت رشت موظفين الحي عشان يبنوا بيوتهم في ارض لاتصلح للبناء
لازم يتحسبوا
والموظفين اللي خدوا الرشوه وهمه عارفين خطورة الموقف لازم يتحسبوا
والمحافظ اللي شاف البيوت دي وسابها لازم يتحاسب
ان الله لايغير مابقوم حتي يغيرو ما بأنفسهم
اتؤيد شمس النهار
فعلا ان الله لايغير ما بقوم حتي يغيروا ما بانفسهم
وايضا
منكم يولي عليكم
اللهم طهر نفوسنا من الخوف و الرياء
غالبا هيسكتوا
اصل البلد ماتت
سلامات
قلب مصري
تصدق اكتر ما يحبط إن بنسبة 100% ما تقوله سليم تمامًا
هو ده ألي هيحصل والمصيبة اننا هننسى ونسكت
شمس النهار
بصي لازم تاخذنا العواطف ، ميستوش الناس ألي أضطرت (ولاحظي اضطرت دي) ترشي الموظفين علشان يبنوا البيوت..
كانوا عايزين يلموا عيالهم أن شاء الله في عشه حتى لو هيمتوا..
مكانوش عايزين يسيبوا ولادهم و بناتهم في الشوارع يتبهدلوا ويتفضحوا
علشان كده وافقوا انهم يعيشوا في بيوت متصلحش للحيونات حتى طالما ليها 4 جدران تحميهم
الناس دي هما ألي المفروض يحاسبوا الجميع
يحاسبوا الحكومة وألي ارتشاوا ويحسبونا كمان لاننا ساكتين وعارفين ما يحدث لهم
ومش كفاية انهم رضيوا بده لا ماتوا كمان..
وبعد كده نقول نحسابهم
اما المحافظ والموظفين وغيرهم فاتفق معاكي تمامًا في محاسبتهم بس مين ألي هيجسابهم إذا كان الفساد منتشر من اعلى قمة في الدولة؟؟
أحنا بالفعل لازم نغير أنفسنا علشان ننجح كلنا كشعب واحد
طارق مؤمن
انا الاخرى اتفق مع شمس النهار
ان الله لايغير ما بقوم حتي يغيروا ما بانفسهم
ودي اول خطوة لازم نتخذها لو عاوزين نفلح..
ولكن موضوع منكم يولى عليكم أو كيفما تكونوا يولى عليكم
فده انا مش متفقه عليه ، قد نكون غافلين كثيرًا ولكن من يولوا علينا الآن فاقوا هذا وهم سبب البلاء الرئيسي فينا
ناهيك عن ان هذا كحديث إسناده ضعيف ولكن الكل يستخدمه كحقيقة مطلقة..
الرعية انصلحت عندما تولى عمر بن عبد العزيز الخلافة وكانوا هم نفس رعية سليمان ونفس رعية يزيد وهشام من بعد عمر؟؟
من المؤثر في الاخر إذن؟؟
ماجنوليا
حقيقي انتِ جبتي من الأخر
ربنا يرحمها ويبث فيها الروح
ويرحمنا احنا كمان
بالضبط
الناس دي هتتحرك إمتى
بما فيهم إحنا
هنستنى إيه تاني يجرالنا ؟؟؟
عبارات..وغرقت
أكل..ومسرطن
المقطم..ووقع
مستنيين إيه تاني ؟؟؟
ده إحنا بقينا ولا اللي بياخد على قفاه
ويقول
"كمـــــــــــــــان"
سامحوني على تعبيراتي
تحياتي
بانوره..
المصيبة أن كل مصيبة نقول نفس الكلام..
ساعات بحس اننا بقى معندناش دم.. كأنها اسطوانة بقينا حفظنها وبنسمعها علشان نرضي ضميرنا وخلاص..
هل هنتحرك بجد في يوم ما؟؟
أشك..
Post a Comment