Saturday, September 6, 2008

الذي يحدث في الدويقة



تحديث


متابعة مجموعة الصور الخاصة بالمأساة لدي اليوم السابع

------------------------------------------


إيه ألي بيجرى ده؟؟!


هل من المعقول ما يحدث في الدويقة الآن ؟؟!!


فرق إنقاذ لم تصل؟، الرافعات التي قالوا من ساعات إنها ستصل من المقاولون العرب لم تظهر بشايرها حتى؟!


كل ما يأتي من هناك أن عمليات الإنقاذ صعبه؟؟


صعبه؟؟ !!!!!


هل لو كانت المنطقة المنهارة ساكنها من ساكني الفيلل والقصور كان الكلام سيكون هكذا؟؟ ويقال لهم عملية الانقاذ صعبة؟؟!! أم أن المواطن المصري البسيط –كالعادة- ثمنه منخفض؟؟ أو ملوش ثمن أصلاً.


هناك شهود من المنطقة يقولون إنهم أبلغوا عن انهيارات محدودة في الأيام السابقة ولم يلقوا أي استجابة؟ من المسئول عن ذلك الآن؟؟!


والله العظيم حرام ألي بيجرى ده ..إحنا هُنا قوي كده ليه ؟؟


خلاص مبقاش لينا سعر كده خالص؟؟


الناس بتتصل بأسرها بالموبيلات من تحت الأنقاض طالبين الإنقاذ ، وشهود من المنطقة بيقولوا إنهم سامعين صرخات بعض الأحياء ؟؟


وهما باردين قوي كده ليه؟؟


والتلفزيون المصري مش راضي يكدر الناس ولا يضايقهم في رمضان وعمال شغال مسلسلات وهيصة ولا كأن في كارثة في البلد ..
مجرد أخبار على شريط الأخبار وخلصت؟؟!!!


دي التقارير المبدئية بتقول إنهم 9 كتل صخرية وزنهم من 50 إلى 70 طن!!!!


وإن عدد البيوت ألي تحت الكتل دي من 30 إلى 70 بيت..


وإن عدد الضحايا تحت الأنقاض على الأقل 500 روح.


يا نهار أسود إيه البرود ألي هما فيه ده يا ربي الواحد خلاص هيتجنن من ألي بيجرى ده..


حسبي الله ونعم الوكيل
حسبي الله ونعم الوكيل
حسبي الله ونعم الوكيل..

تقرير الجزيرة عن الحادث




الأول




الثاني








6 comments:

فاروق عادل said...

دعاء انا قولت عند نوارةاننا باردين بطريقة غير طبيعية

Anonymous said...

ربنا معاهم

ماساه بجد

حسبى الله و نعم الوكيل

ahmed samir said...

الغريب يا دعاء إن أخر ثلاث تدوينات لكى تتحدث عن ثلاث كوارث

ما هذه السرعه التى أصبحت تحدث بها الكوراث فى مصر؟
يبدو إنكى ستكونى مضطرة للتدوين مرة فى اليوم على الأقل حتى تكتبى شئ بعيد عن كوارث مصر
لنا الله جميعاً

دعاء said...

بلا جوست

أحنا باردين وبسم الله ماشاء الله عندنا حكومه على قلبها مراوح تنش .. الناس دي عايشه بعيد عنا قوي مش حاسه بينا أصلاً ولا بأي حد في البلد.. وده أول سبب يخليني ارفض جمال مبارك زي ماقولتلك هناك

دعاء said...

ماجنوليا

وأي مأساه

طيب ألي ماتوا ربنا كارمهم وخلصوا من وجع القلب ده واهو الموت كان سريع انا بفكر في مأساة ألي فضلوا عايشين تحت الانقاض وبيستغيثوا دول ربنا معاهم ويصبرهم دول كارثتهم كارثة..

دعاء said...

تصدق يا احمد

أنا عندي كام تدوينه عايزه اكتبهم عن كتب وافلام وبعض الأمور التاريخية مش عارفه كل ما أجي أكتب ألاقي روحي متنكده بكارثة وعقبال ما يخف اثارها ألاقي واحدة تانية جديدة اولى بالكتابة..

بالفعل سرعة الكوارث بقت رهيبة

وكمان موت الناس المحترمة وألي فيها أمل في البلد اليومين دول سريع

الله يرحم المشير أبو غزاله