Monday, June 23, 2008

تاج/ واجب (واجب النفاذ) من عابر سبيل

أرسل لي الصديق عابر سبيل – طارق .. تاج/واجب كما يسميه

و أولاً شكرًا على الواجب جدًا ..بس هو مفيش غش أسوة بامتحانات الثانوية؟؟ :D

لا.. مفيش طيب أمري لله بقى هجاوب بمجهودي خلاص..

------------------

1. اذكر اسم من طلب منك حل الواجب ؟

- عابر سبيل – طارق (السؤال الأول أهو سهل مش محتاج غش).

2.اذكر القوانين المتعلقة بهذا الواجب؟

- حتى هنا في قوانين ، فليكن القوانين في الأسطر التالية.

3.تحدث عن ستة أسرار قد لا يكتشفها من يقابلك للمرة الأولي ؟

- ها . إحم إحم أسرار؟.. ليه كشف الصنعة ده ..متخلونا غامضين كده :D على أي حال ..لنستعين على الشقا بالله.

1- رغم كوني إنسانة اظهر اجتماعية جدًا و لكن الحقيقة إن داخلي وأنا بتكلم مع حد ببقى مكسوفة للغاية وفي الواقع ببقى خجولة جدًا ،ولكني غالبًا بأتغلب على الموضوع ده بمزيد من الانطلاق والكلام كمحاولة للمدارة.

2- لو كانت المقابلة في الصيف ،فلن يكتشف أبدًا من أقابلهم إن لدي استعداد أن احمل عمارتنا فوق رأسي رايح جاي إسكندرية من إني أنزل في الصيف وغالبًا هبقى بدعي جوايا إن ميعاد المرواح يجي .. أنا كائن شتوي صرف لا ينتعش إلا شتاءًا..

3- إحم إحم أنا عصبيه للغاية طبعًا لن يكتشف من يتعامل معي أول مرة ذلك ولا ثاني مرة وغالبًا لحد المرة العشرين الثلاثين كده ، ولكن الحقيقة إني بأكل في نفسي من جوه لو مخرجتش الطاقة العصبية من جوايه واضطررت حرصًا على علاقتي الجيدة بالناس وبأصدقائي إني اكبت التوتر والعصبية لعدم مضايقة الآخرين..طبعًا لقد تأكدتم الآن إنني مريضه مزمنة ولا أمل في شفائي بالمصران الغليظ العصبي.

4- لن يكتشف بالطبع من أقابلهم أول مرة إنني بنسبة 98% إنني في أي لحظة سأسقط من قله النوم والإرهاق ، غالبًا لأنه لا يعلم إنني كائن ليلي تمامًا ، لذا بما أني بتأكيد أقابل الناس نهارًا ،فمعنى ذلك إنني لم انم مطلقًا قبل المقابلة وإنني أنهيت ما كنت افعله (قراءة، كتابة، تلفزيون ..الخ) و نزلت على الفور دون نوم ..لذا بتأكيد سأكون في حاله يرثى لها.

5- لو صدر مني كلمة أو جمله وبعد التفكير وجدت إنها كانت سخيفة في حق احد، سيكون يومي بلا شمس غالبًا لأنني وسواسه جدًا في النقطة دي،ولن استطيع أبدًا تمريرها وسيبقى ضميري يؤنبني بشدة ربما حتى أجد شجاعتي واعتذر للشخص فأكتشف انه لم يكن يتذكر أصلاً-أو يعني بيمثل انه مش فاكر:d- و العكس صحيح لو أخطأ في حقي شخص أيضًا ، أفضل أكل في نفس بقى ضيقًا ، و لكن أرضائي أهون ما يكون، يكفي اعتذار أو ابتسامة لتزيل ضيقي تمامًا ولن أتذكر غالبًا بعد يومين فقط أن هناك مشكلة كانت بيني وبين هذا الشخص.

6- بتأكيد لن يكتشف من أمامي في المقابلة الأولى أسوء عيوبي وهو تغير المزاج بصورة كبيره بشكل سريع وهو الأمر الذي يؤرقني شخصيًا ، فجاءه أكون سعيدة و متألقة وسأطير في الهواء فرحًا ، وفي اللحظة التالية أجدني تعيسة مكتئبة لا أطيق أن أأخذ النفس التالي لي في الحياة..

ها قد كشفت عدة أسرار لن يكتشفها من يقابلني لأول مره والأمر لله :D

4.حول هذا الواجب إلى ستة مدونين واذكر أسماءهم مع روابط مدوناتهم في موضوعك؟

- أمممم فليكن ..

عمرو عز الدين
صَـــف تـــانـــي
إيـهـاب عمــر
أفكار مبعثرة
محمد سعيد أحجيوج
محمد كمال حسن

5. اترك تعليق في مدونة من حولت الواجب عليهم ليعلموا عن هذا الواجب.

- حاضر بمجرد نشر التدوينه سأترك لديهم تعليق بإذن الله ..

بس كده أنتهي التاج / الواجب على خير والحمد لله

4 comments:

tarek momen said...

مبروك النتيجة 99و9علي 100 وكمان 5 درجات لحسن الخط و تنسيق ورقة الأجابة بس لابد من اعتماد النتيجة من ابلة سبهللة موجهة المادة
لي ملحوظة علي اسم المدونة
جديلة الشعر تسمي ضفيرة والجمع ضفائر وللتخفيف تنطق ضفاير
يبقي المفروض تبقي خلي ضفايرك ضليلة وانتي كاتباها ضافيرك
اه نسيت انك قلتي انك عصبية
يارب الملحوظة لا تعصبك
تحياتي

دعاء said...

ياه 99.9 هو انا كنت مقدمة وظيفة رئيس ولا إيه:D

وننتظر نتيجة أبله سبهلله الموجه يمكن تديني الدرجة وأبقى 100%

الحقيقة إني بالفعل نسيت أصلحها أحمدعبداللطيف قالها لي بالفعل قبل كده وانا نسيييييت خالص

لا اطمن مش الحاجات الكويسه دي هي ألي بتعصبني..

النصائج غالبًا بتسعدني مش بتعصبني..

وألف شكر لتنبيهك هروح حالاً دلوقت إن شاء الله أصلحها علشان منساش تاني..

Anonymous said...

f el so2al elli kashafty feh 3n 6 7agat 3n nafsek ma7adesh ye3rafha kont 7assa enek betetkalemi 3ani...ana teba3i 2orayeba mnk awe...aw zayek bzbt ta2reban :)

دعاء said...

غير المعرف

مصادفة الموضوع ده.. بس على الأقل لن اشعر الآن أني عجيبة دائمًا..كل ما أشعر بذلك سأصبر نفسي إنني لست وحدي من اعاني مع شخصيتي هذه..

شكر لمرورك وتعليقك.